Aşgabat, 2016-njy ýylyň 15-nji dekabry – Dört sany nusgawy sazyny çalýan amerikan sazandalary we saz mugallymlary Derek Bekwold, Kim Maý Nian, Piter Toresen we Eýweri Weýt 2016-njy ýylyň dekabr aýynyň 14-den 24-i aralygynda Aşgabatda Türkmenistanyň Milli konserwatoriýasynyň talyplaryny okadar we bilelikde baýramçylyk konsertini berer. Mugallymlar nusgawy saz, wokal, kompozisiýa we dirijýor bölümleri üçin ussatlyk sapaklaryny geçirerler. Şeýle hem amerikan mugallymlar maksatnamanyň gatnaşyjylary üçin amerikan nusgawy repertuaryndan birnäçe ussatlyk sapaklaryny geçirerler. Bu maksatnama takmynan 80 sany hor we 80 sany simfoniki orkestriň agzalary, 20 sany dirijýor hem-de 20 sany kompozitorlar gatnaşýar.
Milli konserwatoriýa bilen işini dowam etmekden başga amerikan mugallymlary ABŞ-nyň saz medeniýeti barada çykyş ederler:
Sişenbe, 20-nji dekabr
18:30 – ABŞ-nyň Ilçihanasynyň Maglumat we serişdeler merkezinde (MSM) Täze ýyl aýdymlaryny aýtmak
Penşenbe, 22-nji dekabr
19:00 – Magtymguly adyndaky milli sazly drama teatrynda Türkmenistanyň milli konserwatoriýasy bilen bilelikdäki baýramçylyk konserti
Anna, 23-nji dekabr
15:00 – Amerikan sazy barada MSM-de çykyş
17:00-18:00 – Ilçihananyň LINE dostlary bilen bir sagatlyk onlaýn söhbetdeşlik
18:30 – MSM-de türkmen saz söýüjileri bilen Täze ýyl mukamlaryny çalmak
Ähli çärelere giriş tölegsiz we hemmeler üçin açykdyr.
Bu maksatnama Milli konserwatoriýanyň talyplary we mugallymlary bilen amerikan mugallymlarynyň arasynda 2015-nji ýylyň dekabrynda we 2016-njy ýylyň martynda bolup geçen üstünlikli hyzmatdaşlygyň dowamydyr. Derek Bekwold, Piter Toresen we Eýweri Weýt özleriniň Türkmenistana ilkinji iki sapary döwründe Milli konserwatoriýanyň sazandalary üçin ussatlyk sapaklaryny geçirdiler we Magtymguly teatrynda bilelikde konsert bermek üçin taýýarlandylar. Bu gezek olar saz okatmak maksatnamanyň üçünji tapgyry we Täze ýyl baýramçylygyna bagyşlanan konserti geçirmek üçin geldiler.
Bu maksatnama boýunça goşmaça maglumatlar üçin ABŞ-nyň Ilçihanasynyň Maglumat we medeniýet bölümine 47-35-06 (1) telefon ýa-da irc-ashgabat@state.gov elektron salgysy boýunça ýüz tutup bilersiňiz.
