2001-nji ýylda ABŞ-nyň Kongresi tarapyndan esaslandyrylan “Medeni mirasy gorap saklamak üçin Ilçiniň gaznasy” atly halkara maksatnama ösüp barýan ýurtlarda medeni ýadygärlikleri we tapyndylary, şeýle-hem däp bolan beýleki halk sungatynyň görnüşlerini gorap saklamagy maliýeleşdirýär. Medeni miras bütin adamzadyň taryhy wakalary we medeniýete goşan goşantlary barada ýatlatma hökmünde hyzmat edýär. Esaslanan wagtyndan bäri bu maksatnamanyň üsti bilen dünýäniň 125 ýurdynda medeni mirasy saklamaga gönükdirilen 900-e golaý taslama maliýeleşdirildi.

Geçen ýigrimi ýylyň dowamynda bu halkara maksatnamanyň üsti bilen ABŞ-nyň Döwlet Departamenti Türkmenistanda jemi 1600000 ABŞ-nyň dollaryna barabar 28 sany taslamany maliýeleşdirdi. Bu taslamalar Türkmenistanda taryhy taýdan ähmiýetli medeni ýadygärlikleriň dikeldilmegine, muzeý ýygyndylaryň öwrenilmegine we gorap saklanylmagyna, şeýle hem arhiw resminamalaryň we golýazmalaryň saklanýan şertleriniň gowulandyrylmagyna gönükdirildi. Giňişleýin maglumat alyň.